Verken Pretoria en Johannesburg.

Jolene Potgieter.

2020 was 'n vreemde jaar vir ons almal ... met onsekerheid oor die veiligheid van ''gewone'' Desemberaktiwiteite soos weggaan, nuwe kuierplekke verken, en so meer wat deur Covid-19 bekamp word, is Jan Tuisbly dalk vanjaar jou voorland. Beteken dit egter noodwendig dat hierdie Desember, veral vir Gautengers, sonder avontuur moet wees? Beslis nie! Hiermee van ons gunstelingdinge om te doen in en om Pretoria en Johannesburg.

1. Verken Soweto te voet, te fiets, te voedsel of in 'n tuk-tuk! 

Gaan ry fiets in Soweto! 

Soweto is een van die mees gewilde Suid-Afrikaanse bestemmings onder buitelanders ... waarom dan nie ook vir ons in die binneland nie? Ervaar Soweto saam met Lebo's Soweto wat vir jou 'n opwindende keur van opsies soos fietsry-, Tuk-tuk-, staptoere, kookervarings en so meer bied. Lebo's het die nodige Covid-19-maatreëls in plek en is oor die algemeen uiters professioneel ... en selfs meer pretsaam! Vir meer inligting en vir pryse, klik op Lebo's Soweto hierbo.

 

Wat ons daarvan hou: Die manier waarop die inwoners jou groet en verwelkom. Die heerlike kos wat by baie van die toere ingesluit is!

Kitswenk: Roetes word verskaf, maar kan ook soms tot jou voorkeur aangepas word. Doen jou navorsing vooraf, sodat jy vir die toergids kan vra om 'n roete uit te werk wat jou na al jou gusteling besienswaardighede sal neem. Dit is veral waarskynlik as jy 'n groepbeskpreking maak waarvan ander mense nie gaan deel vorm nie.

2. Red City Bustoere

Jolene wys haar Kanadese vriende om Johannesburg met die Rooi Bus.

Hierdie is 'n baie informatiewe toer, wat jou toelaat om op en af te spring by aantreklikhede van jou keuse. Soos met die Soweto-toere, laat dit 'n mens nuwe waardering kry vir die stad waar jy dalk elke dag woon en werk. 

 

Waar: Klim op by The Zone, Rosebank. Neem kennis dat die bus weens Covid-19 nie noodwendig tans 7 dae 'n week ry nie.

Klim af by: Constitutional Hill, Miners District, Carlton Sentrum (Top of Africa), James Hall Transport Museum, Apartheid Museum, Goldreef City en vele meer. 

Prys: R180 vir 'n dagkaartjie, R90 per kind, en R390 per familie (twee volwassenes en twee kinders)(sien ook Red City se webtuiste vir gereelde spesiale aanbiedings.)

Sluit uit: Ingangsfooi by sommige aantreklikhede (Carlton Sentrum, Apartheid Museum, Gold Reef City.)

 

Vir meer inligting en om te bespreek, klik hier.

3. Nkwe Plesieroord, Pretoria

Wat klink beter as 'n piekniek saam vriende, waterlemoen en kransspring, alles op een dag? Niks - niks klink beter as dit nie!

Nkwe is 'n oord, wat dagbesoekers toelaat om te ontspan by die piekniekarea. Daar is 'n poel met hoë rotsvormasies waar die brawes kan afspring. Die perfekte daguitstappie vir families, vriende, en selfs paartjies!

 

Waar: Nkwe Straat, Tierpoort.

Sluit in: Piekniek- en braaigeriewe.

Prys: Seisoenaal. 

Vir meer, klik hier.

4.  Rustig Staproetes

Beeld: Rustig Staproetes. 

Net 'n klipgooi vanaf Pretoria, skuil die wonderlike natuurpark, Rustig. Wanneer dit by fietsry of stap kom ... is die naam egter soms misleidend. Ons het 'n hele paar maal na ons asems gesnak gedurende ons besoek aan hierdie reservaat! Maar, elke oomblik was deur en deur die moeite werd. 

Wat ons daarvan hou: Rustig bied 'n keur staproetes van beginners tot meer gevorderd. Daar is dus iets vir elke ervarings- en voorkeurvlak. Vir staproetes kan jy kies tussen 9km, 13km of 18km. Daar is ook 'n aantal bergfietsbane. 

Kitswenk: Bespreek vooraf op hul webtuiste om teleurstelling te voorkom. Daar is beperkte hoeveelheid gaste toegelaat met Covid-19 in gedagte. 

 

Vir meer inligting en vir pryse, klik hier. 

5. Sammy Marx museum, Pretoria 

Beeld: Sammy Marx museum

Sammy Marx museum is die heershuis van voormalige industriële- en mynmagnaat, Sammy Marks.  Die huis spog met 48 slaapkamers, 'n pragtige tuin en tennisbaan. Gaan eet iets by die restourant, wandel deur die huis, of bespreek vir 'n piekniek. 'n Lekker blik tot 'n Pretoria wat eens op 'n tyd was. Vir meer, klik hier. 

Jolene is die mede-stigter van Reis Afrikaans en werk tans vir Qatar Lugdiens as lugwaardin. Vir meer oor haar besoek die Reis Republiek

SKRYF VIR ONS. 

Ons is voortdurend opsoek na avontuur-diere in die binne-

en buiteland. Gesels met ons by info@reisafrikaans.com

Reis AFRIKAANS

'Met moed, geloof, braafheid en

nostalgie'

  • Facebook
  • Instagram
Bly op hoogte op ons poslys

© 2019 Reis Afrikaans. Alle regte voorbehou. Ontwerp deur Reis Afrikaans.